Wo samay bhi tha jab akele sone ke khayal se bhi darr lagta tha...

Ab to akela hona aadat si hoti ja rahi...

Khaalipan kuchh is tarah mere saath rahne laga hai...

ki, mere aas paas ke log mujhe achhe nahi lagte...

Bheed me ghabrana to shuru se hi aadat thi...

Par, bheed me koi dikhe hi nahi aisa ab hone laga hai...

Shor to shuru se hi khalta tha...

Par, aawazon ki bheed me kuchh na sunai dena...ye ab hone laga hai...

Hasee to jaise gum gai hai kahin...

Wo jo chehre pe rahti ha har waqt, Use khud aaine me dekh ke darr jati hoon...

Ye to logon ko dikhane ke liye hai ki main khush hoon...

Par, khalipan ne mujhme "mujhe" chhoda hi nahi...

Darti hoon kahin khud ko hi na apni jhoothi hasee se samjhati rah jaaoon...

Bhram me ulajh ke...

Shayad...

main akele mein ghut ghut ke mar jaaoon...